Qanday ma'lumot to'planadi, nima uchun kerak, qayerda yotadi va uni qanday o'chirish mumkin
Oxirgi tahrir: 2026-yil 14-avgust · Toshkent shahri
1.1. Ma'lumotlarni qayta ishlovchi — «GREENNOVA-GROUP» MChJ (bundan keyin — Ijrochi), «Tizimchi HR» dasturiy ta'minotining egasi. To'liq rekvizitlar ommaviy ofertada keltirilgan.
1.2. Xizmatdan foydalanuvchi kompaniya (bundan keyin — Buyurtmachi) o'z xodimlarining ma'lumotlariga nisbatan egalik qiluvchi hisoblanadi. Ijrochi bu ma'lumotlarni faqat Buyurtmachi nomidan va shartnoma doirasida qayta ishlaydi.
1.3. Bu shuni anglatadiki: xodimning ma'lumotini to'plash qonuniyligi va uni xodimga tushuntirish Buyurtmachi zimmasida. Ijrochi buni texnik jihatdan ta'minlaydi.
2.1. Telegram orqali: Telegram identifikatori, ism va familiya (Telegram profilida ko'rsatilgani), foydalanuvchi nomi (agar bo'lsa), til sozlamasi. Telefon raqami Telegramdan olinmaydi.
2.2. Xodim kartochkasi: ism-familiya, lavozim, telefon raqami, filial, ish jadvali, ish haqi modeli va summasi — bularni Buyurtmachining o'zi kiritadi.
2.3. Davomat yozuvlari: kelish va ketish vaqti, o'sha paytdagi geografik koordinatalar va ularning aniqligi, qurilmada soxta joylashuv bayrog'i yoqilgan-yoqilmagani, urinish qabul qilingani yoki rad etilgani va rad etilish sababi.
2.4. Ish haqi va ta'til: hisoblangan summalar, avanslar, ta'til arizalari va ularning holati.
2.5. Texnik ma'lumot: so'rov vaqti, IP manzil va brauzer turi — faqat xavfsizlik va suiiste'molga qarshi chegara qo'yish uchun.
2.6. Saytdagi ariza formasi: siz kiritgan ism, telefon raqami va izoh.
2.7. Ijrochi pasport ma'lumotlari, bank kartasi raqami, biometrik ma'lumot va sog'liq haqidagi ma'lumotni so'ramaydi va saqlamaydi.
3.1. Har bir maydon aniq bir ish uchun to'planadi:
3.2. Ma'lumotlar sotilmaydi, reklama tarmoqlariga berilmaydi va boshqa mijozlarga ko'rsatilmaydi.
4.1. Joylashuv faqat xodim «Keldim» yoki «Ketdim» tugmasini bosgan paytda so'raladi. Fon rejimida kuzatuv yo'q: ilova xodim qayerda yurganini ish kuni davomida bilmaydi va bila olmaydi.
4.2. Telegram joylashuvni faqat foydalanuvchi ruxsat bergandagina yuboradi. Ruxsat berilmasa check-in amalga oshmaydi — bu Buyurtmachi bilan xodim o'rtasidagi masala.
4.3. Koordinata rad etilgan urinishlarda ham saqlanadi. Sabab: «nega qabul qilinmadi?» degan savolga javob bo'lishi kerak, aks holda tizimga ishonch qolmaydi.
5.1. Xodim — faqat o'z davomati va o'z ish haqini.
5.2. Filial administratori — faqat unga biriktirilgan filial xodimlarini.
5.3. Kompaniya rahbari — o'z kompaniyasining barcha ma'lumotini.
5.4. Ijrochi xodimlari — texnik nosozlikni bartaraf etish uchun zarur bo'lgandagina va Buyurtmachi xabardor qilingan holda. Bunday murojaatlar jurnalga yoziladi.
5.5. Har bir so'rov server tomonda tekshiriladi: bir kompaniya boshqasining ma'lumotini so'rasa, javob berilmaydi. Bu brauzerdagi yashirish emas, ma'lumotlar bazasi darajasidagi ajratish.
6.1. Xizmat ishlashi uchun quyidagi tashqi xizmatlardan foydalaniladi:
6.2. Saytda reklama tarmoqlari, ijtimoiy tarmoq tugmalari va uchinchi tomon kuzatuvchilari yo'q.
7.1. Ma'lumotlar Ijrochi ijaraga olgan serverda, Finlyandiya (Xelsinki) hududidagi ma'lumotlar markazida saqlanadi.
7.2. Ma'lumotlar bazasi tashqi tarmoqdan yopiq: unga faqat server ichidan murojaat qilinadi. Barcha ulanishlar shifrlangan kanal (HTTPS) orqali o'tadi.
7.3. Zaxira nusxa har kuni olinadi va o'sha serverning o'zida saqlanadi.
8.1. Obuna amal qilib turgan vaqt davomida — to'liq saqlanadi.
8.2. Obuna tugagach ma'lumot darhol o'chirilmaydi: yozish bloklanadi, lekin ma'lumot joyida qoladi, chunki Buyurtmachi keyin qaytishi yoki hisobotni yuklab olishi mumkin.
8.3. Buyurtmachi kompaniyani o'chirishni so'rasa yoki panel orqali o'zi o'chirsa — kompaniya, xodimlar, davomat va ish haqi yozuvlari butunlay o'chiriladi. Bu amal qaytarilmaydi.
8.4. Saytdagi ariza formasidan kelgan ma'lumot bog'lanish maqsadi bajarilgach saqlanmaydi.
9.1. Siz quyidagilarga haqlisiz:
9.2. Xodim avval o'z ish beruvchisiga murojaat qiladi: xodim kartochkasini u kiritgan va o'sha egalik qiladi.
9.3. Kompaniya rahbari Ijrochiga to'g'ridan-to'g'ri murojaat qiladi — aloqa 12-bo'limda. Murojaatga 7 ish kuni ichida javob beriladi.
10.1. Sayt tashrif statistikasini o'z serverida yuritadi. Hisoblagich cookie ishlatmaydi va tashrif buyuruvchini shaxsan tanimaydi: faqat sahifa manzili, taxminiy hudud, qurilma turi va qaysi manzildan kelingani yoziladi.
10.2. Statistika ma'lumoti uchinchi tomonga uzatilmaydi — u ham o'sha serverda qoladi.
10.3. Til va mavzu (kunduzgi/tungi) tanlovi brauzeringizning o'z xotirasida saqlanadi va serverga yuborilmaydi.
10.4. Rahbariyat paneliga kirganda sessiyani ushlab turish uchun bitta texnik cookie qo'yiladi. Usiz tizimga kirib bo'lmaydi, shuning uchun undan voz kechish imkoni yo'q.
11.1. Har bir so'rov Telegram imzosi yoki server tomonda tekshiriladigan sessiya orqali autentifikatsiya qilinadi.
11.2. Sessiya tokeni bazada ochiq ko'rinishda saqlanmaydi — faqat uning matematik izi (xesh) yotadi. Baza nusxasi sizib chiqsa ham undan kirish kaliti yasab bo'lmaydi.
11.3. Kim nima o'zgartirgani jurnalga yoziladi.
11.4. Ma'lumotlar sizib chiqqani aniqlansa, Ijrochi Buyurtmachini 72 soat ichida xabardor qiladi va nima sodir bo'lgani, qaysi ma'lumot ta'sirlangani va nima chora ko'rilgani haqida ma'lumot beradi.
12.1. Maxfiylik bo'yicha barcha murojaatlar:
12.2. Ushbu siyosat o'zgarsa, yangi tahrir shu sahifada e'lon qilinadi va yuqoridagi sana yangilanadi. Muhim o'zgarishlar haqida Buyurtmachiga bot orqali xabar beriladi.